“Ata vazhdojnë të mos tregojnë respekt për familjen e Kacifas”. Kështu e nis media greke Protothema, e cila ka publikuar edhe intervistat ekskluzive të familjarëve të minoritarit grek Konstandinos Kacifas, shkrimin e radhës për 35-vjeçarin e vrarë nga RENEA.

Sipas medias greke autoritetet shqiptare po provokojnë përsëri, pasi “jo vetëm që refuzojnë të lejojnë familjen e Konstantinos Kacifas për ta varrosur të birin, por ata kanë ngritur akuza kundër tij”.

Protothema shkruan edhe për një thirrje për dëshmi të ish-bashkëshortes së Kacifas nga autoritetet shqiptare.

“Ata e panë të arsyeshme që të thërrisnin ish-bashkëshorten e Kaçifas për të dëshmuar në Tiranë. Gruaja e tij jeton me vajzën e tyre 13-vjeçare në Kretë. Duhet të theksohet se fillimisht autoritetet shqiptare kanë kërkuar nga familja e tij të nënshkruajë një dokument ku thuhet se nuk kanë pretendime nga shteti shqiptar lidhur me vdekjen e Kacifas. Kur familja refuzoi, ata çuan trupin e tij në Tiranë dhe prokurori shqiptar … ngriti akuza kundër të vdekurit”, shkruan media greke.

Ndërkohë në vijim theksohet se burime të Protothema kanë bërë me dije se “qeveria shqiptare ka frikë se funerali i Kacifas do të kthehet në një demonstratë të pakicës greke kundër autoriteteve shqiptare”./gsh/